PARIWISATA

vektortorajavektortoraja

(KATA SAMBUTAN PADA ACARA RAMBU SOLO’)

SIMAN  (Umpatu Pa’tondokan)

Tabe’ lako kita massola nasang, Siman lako kita anggamairi’, Makalima’na to ma’dioren, Lante luba’ba madu’sen, Tarampak ma’uai mata

Rampo lembangmo inde misa’ inaa, Tu’tun koli-kolimo inde to misa’ kasiturusan, Naulang penaa melo sola te kada kaboro’, Lante lepongan tondok

Iamo tu sansiturusanna...

Umpatu...

Rampo ma’kekeran bassi, Sola ma’ punti disangging, Lako te ambe’ tunatambaimo Puangna, Naongli’ to tumampana, Lumilingmo luba’ba madu’sen, Tumengkarara’ mo lante tarampak ma’uai mata

Rampo untoe kada turu’, bisara misa’ bunganna, Balo’ ia kada misa’ pandanan tengko situru’, Sipamatua induk, sipabanu’ karurungan

Tarapa’ torromo rokko, taunnisung makaraengmo

Sondana bating mariomi solanasang, Lako te ambe’ tu natambaimo Puangna, Naongli to tumampana, Lanmai alla’ tanga-tangata massola nasang

Padamoto, kurre sumanga’

UMPATU ANAK/SIULU’ TOMATE

E....kita mintu’ sae tongkon, Mairi’ torampo marintin, Tulimbong lante luba’ba madu’sen, Tarampak ma’uai mata, Silindo tossoan Adang, Ta’daran pong mula tau

Belanna lante tanga-tangana kamasussan, Tani umpennampa’ uai mata tobiung, Pa’di’ to tangdiamberan, Tiumba’mo inde tomisa’ dikombong, Tu’tunmo inde to sangka’taran lolo

Iamo sile’to barra’na sola polo kaindi’na, Naturu’ anak nadadian sola bongsu, Natibussanan inde ambe’, Rampo sola uai mata budanna, Tu’tun sola taingi’ tang marangana

Napobua’ mammaran mata sola toka’tuan sunga’, Lumilingmo lan te lu ba’ba kalua’, Tumengkarara’mo lante tasik umbone-bone, randan pamisakan, Rampo untoe kada turu’, bisara misa’ bunganna

Balo’ ia kada misa pandanan tengko situru’, Sipamatua induk sipabanu’ karurungan

(bating)

eee....

Tarapa’ torromo rokko, Taunnisung makaraengmo, Sondana bating mariomi solanasang, Lako te ambe’ tu natambaimo Puangna, Naongli’ to tumampana, Lanmai alla’ tanga-tangata solanasang

Padamoto, kurre sumanga

sastratorajasastratoraja

Sumber:

-Buku Sastra Toraja (karya Pdt. Yonathan Mangolo, M.Th)

Penerbit:

-PT. SULO

 

 

 

PEMERINTAH DAERAH KABUPATEN TANATORAJA
Jl. Pongtiku No.120, Pantan, Makale, Kabupaten Tanatoraja
Sulawesi Selatan

PENGUNJUNG

0000148896
Hari ini
Kemarin
Minggu ini
Bulan ini
Total
388
799
1952
24998
148896


19 guests