PARIWISATA

tongkonan

UMPATU TO SAE TONGKON 1

Tabe' lako kita sola nasang, Siman lako kita anggamairi'

Tongkonmo batu rupanna tu ullopian padang..., Unnisungmo tampa rapa'na to ullembangan lipunna..., toma'parenta tungka sanganna

Lindomo sanda londona torroan dipoambe', Tongkonmo sanda rupanna torroan dipoindo'

lante ba'bana du'sen, pessulunan to marintin

rampo lembangmo inde sangrapu tallang, Tu'tun koli-kolimo inde tosangkaponan ao'

Iamotu sangsiturusanna....

Umpatu....

Rampo sipakatana inde torantang buana, Sola tobonnong penaanna

Napobua, mammaran mata, Sola toka'tuan sunga'

Lumilingmo luba'ba madu'sen, Tumengkarara'mo lante tarampak ma'uai mata, Rampo untoe kada turu' Bisara misa bunganna

Balo' ia kada misa', pandanan tengko situru'

Simapatua induk, sipabanu, karurungan, dst

E...tarapa' torromo rokko..., dst

UMPATU TOSAE TONGKON 2

Tabe' kipadolo tongkon, Siman kipadolo lalan

Lako kayu kalandona tondok, Lambe' layuknya pangleon

Lako bulo dia'pa', sola tallang dipanapi'

Lako sitonda dadingku, sola sitangke mayangku

Sia lako angga tosae tongkon, Mairi' to rampo marintin

Rampo lembangmo inde tomisa' inaa, Tu'tun koli-kolimo inde tomisa kasiturusan

Naulang rampanan kapa', sola passullean allo

Iamo tu sangsiturusanna....

Umpatu...., dst

Rampo ma'kekeran bassi, Sola ma'punti disangging

Lako ambe' tunalambi'mo sumpu suka'na, Nadete'kanna garaganna, sola lontok palelenna

Lumilingmo luba'ba madu'sen, Tumengka rara'mo lante tarampak to'doan uai mata

Rampo untoe kada turu', bisara misa bunganna

Balo' ia kada misa', pandanan tengko situru'

Simatua induk, sipabanu' karurungan

Padamoto, kurre sumanga

Sumber: Buku Sastra Toraja (karya: Pdt. Yonathan Mangolo, M.Th)

Penerbit: PT. SULO

sastratorajasastratoraja

 

 

 

PEMERINTAH DAERAH KABUPATEN TANA TORAJA
Jl. Pongtiku No.120, Pantan, Makale, Kabupaten Tana Toraja
Sulawesi Selatan

PENGUNJUNG

0000095449
Hari ini
Kemarin
Minggu ini
Bulan ini
Total
151
456
2477
13885
95449